مأساة الـ Creative Block 🤯

✅ 10 قواعد مذهلة تتغلب بيها على أي بلوك وتلحق الديدلاين بسهولة.

1⃣سيب عقلك اللاواعي هو اللي يفكر.
ببساطة كده “اطلق العَنان لأفكارك” وحاول تكتب كل اللي بيحصل قبل ماتنساه على ورق في شكل أعمدة.

2⃣خلي معاك دايماً كراسة رسم.
لو جربت ترسم فكرتك، هتساعد عينك إنها تكتسب الجزء البصري، وده هيوصّل الإلهام لعقلك بسهولة.

3⃣متخافش .. متخافش .. متخافش.
إياك والخوف، حاول تبعد عن المشروع، خد إستراحة، صفي ذهنك، فكّر في أي حاجة تانية، هتندهش لما تلاقي إن الفكرة كانت قدامك طول الوقت ده.

4⃣ارجع خد لفة في شغلك القديم.
راجع كتاباتك، أو تصميماتك القديمة وتمعّن فيها؛ لأن مفيش حاجة اسمها فكرة سيئة، ولكن فيه فكرة أنت مؤمن بيها، وقدرت تحوّلها لحقيقة.

5⃣اتناقش مع ناس مُختلفة.
ادخل في بيئات عمل مختلفة، وجرب تتبادل الأفكار معاهم، أو مع عيلتك، أو حتى مع أصحابك على القهوة، كل ده ممكن يلهمك بحلول جديدة.

6⃣أنا محدش يتوقعني!
دايماً توقع كل ما هو غير متوقَع، إنت مش محتاج تدوّر عن أفضل الأفكار على جوجل مثلاً، لكن حاول تدرب نفسك على استغلال كل فرصة وكل فكرة تطرأ لذهنك.

7⃣استكشف تخصصات إبداعية تانية.
الإلهام بييجي من أي مكان، بص دايماً على إبداع الرسامين، المصممين، الكُتّاب، المصورين الطباعة والأزياء والأفلام، وتأمّل كل ماهو إبداعي.

8⃣أنا إستثنائي .. أنا عشوائي.
بتقولنا الروائية المبدعة چوانا باسفورد، بإن أفضل الأفكار غالباً بتيجي لمّا تقوم بمهام عشوائية تماماً وإنك لو دوّنت أو صورت أي حاجة لفتت انتباهك، هتساعدك في الأفكار.

9⃣خذ نفس عميق، شهيق.. زفيير.. أيوه كده.
تعالى نشوف كل حاجة بعين مختلفة، وبمنظور جديد؛ لأن ممكن بعض الحروف المقلوبة في كومة ورق حواليك، أو رسم مقلوب، إنه يخلق أشكال جديدة وينقل لعقلك أفكار جديدة.

🔟حركة مجنونة!
المصورة چيسيكا هيشي ابتكرت سجادة مطبعية للستوديو بتاعها، وجمّعت فيه كل صورها، ونامت عليها.
الغرض هنا إنك تحط شغلك قدام عينك دايماً، تطبعه وتعلقه في اوضتك، تخليه على سجادتك، زي ما تحب.

وأخيرًا متنساش تفتح موقع دريبل هيساعدك كتير تتفرج أكتر على مشاريع ليها علاقة بالـUX بشكل عام

قصة حقيقة مستوحاة من كتاب عن البحوث

أثناء قراءتي لكتاب عن الـ Research، لفت نظري قصة وحركة لطيفة جداً عملها مسوّق ياباني في شوارع نيويورك، واللي تسببتله بضعف أرباحه.

بيقولك إن أحد المسوّقين اليابانيين للأحذية، سافر نيويورك وهو معاه كاميرا عالية الدقة، واستأجر الدور التاني في فندق عشان يكون أقرب للمارة، وبدأ يصور أقدام الناس وهم ماشيين أو مسرعين أو بيجروا، وبعدين يعملها حركة عكسية ويرجع يراقب الحركة تاني، يعني كأنهم بيمشوا للخلف، وبعد مئات من الصور، والملاحظات العميقة، ده ألهمه بشعور عن فن السير وإيه شكل ومواصفات الأحذية المناسبة والمريحة.

بعدها قال This was New York City واللي أصبحت واحدة من أكبر أسواق الأحذية في العالم!
هو هنا عمل ايه؟ هو جعل الـ Observations دي تخدّم على نقطة الـ User Persona يعني إنك بتفصّل الخدمة بتاعتك على مقاس المستخدم بالظبط.

هنا كمان بنستنتج جزء مهم أوي، يمكن أغلب الناس ممكن تغفل عنه وهو الـ Methods of Observation، زي ما احنا عارفين ان الملاحظات هي حقيقة الحياة، وهي أداة علمية بحت، بتسجل احداث يومية ومواقف وسلوك المستهلك، محتاجين نستخدمها صح

وده دليل تجربة للتغلب على مأساة الـ Creative Block بخطوات عبقرية وشقية وكلها حيويّة!😌

كتابة: ندى النادي.